LOLA:

¿Ba'ax ka bèetik h Luis?

LUIS:

Táan in bèetik hunp'éel mayek utia'al in hanal

LOLA:

¿Ba'ax ka beetik? Ma' tin wu'uyahi'

LUIS:

Tin bèetik hunp'éel mayek

LOLA:

¿Ba'ax tia'al?

LUIS:

Utia'al in hanal

LOLA:

¿Tu'ux ta manah u che'i'?

LUIS:

Yiknal in suku'un h Pedro

LOLA:

Hach hats'uts, tumen pìim u che'ei.
¿Láayli' wa táan u meyata'al a na' tumen in kìike'?

LUIS:

Láayli'e'

LOLA:

Ts'o'ok u yúuchtal ho'op'ok u meyatik a na'

LUIS:

Ts'o'oki'. ¿Kux tèech tu'ux ka bin?

LOLA:

Tin bisik le pàal xòoko

LUIS:

¿Ba'axten ka bisik?

LOLA:

Tumen sahak bin chéen tu hùunal

MARIA:

¿Máax ku bisa'al xòok h Luis?

LUIS:

Chàan h Pedro ku bisa'al tumen u na', tumen sahak bin chéen tu huunal

LOLA:

María, ¿ba'ax ku bèetik x Ines?

MARIA:

Táan u huch'ik túumben ixi'im

LOLA:

¿Ba'ax tia'al?

MARIA:

Utia'al sa' yéetel iswàah

LOLA:

¿Láayli wa ku sèen ha'ats'al a na' tumen a ka'a yùume'?

MARIA:

Láayli' ku sèen ha'ats'ale'

LOLA:

Kexi' ka xu'uluk u sèen máansik óotsilile'

MARIA:

Kexi'e', tumen ts'o'ok u séen k'oha'antal

LOLA:

Ma'alob x María páa'tik in bisik le pàal te' xòoko', wa ma' tu k'uchul tu tsíitsile' ma' tu cha'abal u yokol xòok.

Tu k'ìin in bin k'íiwik hmàane', kin láah manik tuláakal ba'alo'ob

k'abéet ten ti' hunp'éel p'is k'ìin.

Kin manik hunchúuch lòol, k'úum, p'àak, òon, ìis, bu'ul,

su'uts' pak'áal, bak', bàak yéetel pùut.

Beyo' mina'an in hóok'ol sáansamal hmàan, ma'alob in ki' chitàal

tin k'àan le ken ts'o'okok in meyah.