NIVEL PRINCIPIANTES
Parte I
DIÁLOGO
María y Rosa conversan sobre sus pertenencias
-
ROSA
-
-¿Máax tia'al le su'ukil naha'?
-
MARIA
-
- Intia'al, le uláak'o' ma' intia'ali, utia'al in kìik.
-
ROSA
-
- ¿Kux le naho'ob yàan náacho', máax tia'alo'ob?
-
MARIA
-
- Lelo'obo' utia'alo'ob in wíits'in.
¿Kux a wotoch x Rosa bixi', su'ukil nah, wa pak'il nah?
-
ROSA
-
- Le tu'ux kahakbaleno' pak'il nah, ba'ale' ma' intia'ali', utia'al in h ka'asuku'un.
-
MARIA
-
- ¿Yàan wa ba'ax atia'al beya'?
-
ROSA
-
- Le tùupa' intia'al, le xts'ipita' utia'al in na'. ¿Kux tèech ba'ax uláak' yàantech?
-
MARIA
-
- Yàanten ya'ab ba'alob, le k'éek'eno' intia'al, bey xan le úulumo'obo' yéetel le kàaxo'obo. Le mayeka' ma' intia'ali', atia'ale'ex bin.
-
ROSA
-
- Ah! ma' in wòohel ka'ach wa k tia'ali'.
-
MARIA
-
- Atia'ale'ex, yàan u bisa'al ta wotoch.
-
ROSA
-
- Ma'alob, X María pa'atik in bin.
-
MARIA
-
- Ka'a xi'iktech utsil
-
ROSA
-
- Dyos bo'otik
PREGUNTAS
1.- ¿Ba'ax yàanti' x María?
2.- ¿Kux x Rosa, ba'ax yàanti'?
3.- ¿Ba'ax kun bisbih tu yotoch x Rosa?
4.- ¿Bix u yotoch x María'a?
5.- ¿Bix u yotoch x Rosa'a?
6.- ¿Máax otoch tu'ux kahakbal x Rosa'a?
7.- ¿Máax otoch yàan tu tséel yotoch x María'a?
XOOK
Huntúul máasewàale', hts'o'ok u bèel yéetel huntúul xch'úupal hach u yàakuntmah, beyxan le xch'úupalo' u yàamah xan le xi'ipalo'. Utia'al u ts'o'okol u bèelo'obe, le xi'ipalo' tu páa'tah u yilik wa he'e u yantal u nalil u kòole'.
Tu ch'ile' láayli' p'áatal ixi'im ti'e, ba'ale' ts'o'ok u sèen ts'áik ma'alob ha'. Le u túumben kòolo', hach ichil hunp'íit k'ìine' ts'o'ok u yantal u nalil. Ba'ale' ma' hach uts u bin ti, le ko'olelo' yéetel le u yíichamo', tumen yan ba'ax oka'an tu puksi'ik'al, bey xnòok' hàantik u tùukule'.
|