Yuum
Ajxíinbal, Yuum Ajxíinbal
Ka bin ti' le bejo'obo'
Ti' le úuchben bejo'obo'
U bejil Mayab...
Chúunk'in
ka wilik u k'áak'il
U xiik' juntúul Xtakay
Ka wilik yéetel áak'ab,
U léets'bal yich Xkóokay
Chúunk'in
ka wilik u k'áak'il
Ka wu'uyik ok'om k'aay
U k'aay chan ch'ooj Tsuutsuy
Ka wu'uyik yel u yawat
Juntúul Pu'ujuy.
| Yuum
Ajxíinbal, Yuum Ajxíinbal
Ka bin ti' le bejo'obo'
A'al ten wa ta wilaj
U chikpajal
Bey
junp'éel sasak múuyal
Jtaale' ka jka'a binij
Wá xan ta wu'uy junp'éel k'aay
Je'ebix u k'aay ko'olel
Yuum Ajxíinbal, Yuum
Ajxíinbal
Te' yóok'ol xan in beelo'
Sak múuyal tin wilaj
Tin wu'uyaj xan le k'aayo'
Juntúul óotsil máaken.
Yuum Ajxíinbal, Yuum
Ajxíinbal.
|
