NIVEL PRINCIPIANTES DIÁLOGO    Antonio y Felipe dialogan sobre el trabajo de la milpa. ANTONIO -¿Bix u bintech ta meyah Felipe? FELIPE - Ma'alob u binten, ho'olheak binen in man le in lóoba' tumen káach in lóob. ANTONIO -Tene' ma' in kah in páaki', tumen k'oha'anchahen, sèen chu'up in wooka'. FELIPE - Le wa ti' ta ch'akah ti' le p'is k'íin máana' ANTONIO - Leti', tin tukultah ma' tun yàatale', le bèetik ma' binen yiknal ts'akyahi'. FELIPE -¿Binech wa túun tu yiknal? ANTONIO - Ma' bineni', leti'e' nohoch máaka' leti' ts'ake'. ¿Ya'ab wa u bin a páak h Felipe? FELIPE -Ma' ya'abi', míin chéen kan k'àan u bin. ANTONIO -¿Ba'ax kan a bèet ken ts'o'okok a páak? FELIPE -Bin in ka'a Ho' meyah ANTONIO -¿Ba'ax meyahil ken a bèeteh? FELIPE -Kex chéen kòonol tu nahil kòon nòok'. ANTONIO -Ma'alob ka kanáant le ba'axo'ob kan a kono' bik xi'ik okolbiltech. FELIPE -¿Kux a suku'une' ba'ax meyahil ku bèetik? ANTONIO -Leti'e' chuy xanab ku bèetik, le xanaba' leti' chuye'. FELIPE -Ma'alob Antonio tu láak' k'ìin k ilikbah. ANTONIO -Ma'alob Felipe tu láak' k'ìin. LECTURA XOOK CHA'AN Ichil óoxp'éel k'ìin u káahal cha'an tin kàahal. Sáansamal yàan yantal óok'ot yéetel paywakax, yàan u yantal xan kanàan kib, yéetel u mìisa'i'.      Hach ya'ab máak ku bin utia'al le bisah kibo'.      Xìibo'ob, ko'olelo'ob, xch'úupalalo'ob, yéetel u pàalali'.      Ba'ale' yàane' chéen tu bin u tsikbalo'ob, yàane' tan u k'àayo'ob wa tu payal chi'o'ob.     Le pàalalo' chéen tan u bin u báaxalo'ob yéetel le nikte' ku bisiko'obo'.     Le ken k'uchuko'ob te' nah tu'ux kun p'atbil le kibo' ku t'o'oxol sa' yéetel chakbih wàah, tumen yùumil le naho'.     Tene', yàan in bin sáansamal te' bisah kibo', hach uts tin wich. Kexi' ka'a xi'ike'ex xane'. ...Contenido... ....Siguiente...